Back arrow

Bó 70

Algengar spurningar

Get ég horft á tónleikana í gegnum Apple TV? Hvernig horfi ég á tónleikana í mínu snjallsjónvarpi?

Þú getur notað tækni á borð við Airplay til að tengja t.d. síma eða tölvu við Apple TV. Skoðaðu leiðbeiningarnar sem fylgdu þínu tæki.

Hér eru leiðbeiningar fyrir nokkur vinsæl tæki, um hvernig á að varpa í snjallsjónvarp eða Apple TV:

Get ég horft á tónleikana í vafra í snjallsjónvarpi?

Það er stundum hægt og stundum ekki, en vafrar í snjallsjónvörpum eru jafn misjafnir og þeir eru margir. Við mælum með að þú prófir streymið áður en tónleikarnir hefjast til að athuga hvort það virki, og ef streymið höktir eða ef það virkar ekki mælum við með að þú horfir á tónleikana með því að kasta úr Chrome í síma, spjaldtölvu eða úr tölvu með t.d. Chromecast.

Hér eru leiðbeiningar fyrir nokkur vinsæl tæki, um hvernig á að varpa í snjallsjónvarp eða Apple TV:

Ég fæ "Invalid Code" á streymissíðunni

  1. Vertu viss um að það sé ekki óvart verið að nota lítið L þegar á verið að nota stórt i, eða öfugt, þegar kóði er settur inn. Bókstafirnir í kóðanum eru alltaf annað hvort allir í hástöfum eða allir í lágstöfum.
  2. Ef þú ert að setja kóðann í snjallsjónvarp og þú færð þessi villuboð, prófaðu í síma eða tölvu, það getur verið að vafrinn í snjallsjónvarpi styðji ekki svona streymi
  3. Vertu viss um að þú sért að nota réttan kóða, hann er í PDF skjali og þar stendur „Þetta er kóðinn þinn“, ef þú keyptir hann hjá Tix.

Ég fæ "too many active sessions"

Það er búið að virkja kóðann á of mörgum stöðum. Þú þarft að fara í eitt af þremur tækjunum/gluggunum/flipunum þar sem kóðinn er virkur, smella neðst á takkann, og velja log out. Núna er kóðinn laus á ný.

Ef það virkar ekki geturðu prófað eftirfarandi:

• Prófaðu að gera „refresh“ á síðuna
• Hreinsaðu cache og vafrakökur. (https://io.jackshoot.com/Uyg25n)
• Farðu á síðuna með private/incognito glugga (https://io.jackshoot.com/NMFX4F)
• Restartaðu tölvunni eða vélinni sem þú ert að nota
• Prófaðu annan vafra (Chrome, Mozilla, Safari, Edge etc.).
• Prófaðu að nota annað tæki
• Tryggðu að þú sért ekki að nota VPN
• Prófaðu aðra nettenginu eins og annan router eða 4G

Streymir mitt hökktir, hvað er til ráða?

  1. Prófaðu að nota annað tæki, t.d. snjallsíma. Þú finnur leiðbeiningar um hvernig á að varpa úr snjallsíma í snjallsjónvarp hér að ofan.
  2. Notaðu Chrome vafrann
  3. Skiptu yfir í 4G, það virkar oft betur en WiFi, þó að nettengingin sé hröð.
  4. Skiptu yfir í lægri gæði með því að smella á „Quality“ í spilaranum.

Ég fylgdi öllum leiðbeiningum og er með mjög hraða nettengingu, en streymið höktir samt. Hvað er til ráða?

Það getur hægst verulega á jafnvel mjög hröðum nettengingum ef það eru margir að nota netið í einu, og í sumum tilfellum styðja hraðar nettengingar illa við streymi, eða eru óstöðugar. Prófaðu að nota 4G í Chrome í síma, ef streymið virkar vandræðalaust þar er nettengingin vandamálið.

Ég finn ekki miðann minn / miðinn minn opnast ekki / ég er með spurningu um miða eða miðakaup, hvert á ég að leita?

Tix sinnir öllum fyrirspurnum varðandi miða, vinsamlegast sendið þeim tölvupóst: [email protected].

Ég er búin að kaupa miða á tónleikana á Tix, og ég keypti miða fyrir Sjónvarp Símans, hvað geri ég nú?

Þú getur annað hvort smellt á “Sækja miða” strax að kaupferli loknu eða sótt kóðann í kvittuninni sem þú færð senda frá [email protected] Kóðinn þinn er í miðanum (PDF skjal)

 

Sækja miða úr kvittun í tölvupósti:

Þú þarft að smella á “Sækja miða” neðst í póstinum.

Næst þarftu að smella aftur á “Sækja miða”:

Þú getur strax virkjað kóðann í myndlykli eða appi:

Virkja kóða í myndlykli Símans:

  1.   Veldu Menu
  2.   Smelltu á Tilboðskóði
  3.   Sláðu inn kóðann og byrjaðu að horfa

Virkja kóða í appi Símans:

  1.   Skráðu þig inn í Sjónvarp Símans appið og smelltu á Meira
  2.   Smelltu á tilboðskóði
  3.   Sláðu inn kóðann og byrjaðu að horfa

Tónleikarnir eru á rás 310 16. apríl kl. 20.

Ég er búin að virkja kóðann fyrir myndlykil Símans en rás 310 opnast ekki, hvað geri ég þá?

Prófaðu að endurræsa myndlykilinn eða tækið sem þú virkjaðir kóðann í. Ef það virkar ekki þarftu að hafa samband við þjónustuver Símans.

Ég er búin að kaupa miða á tónleikana á Tix, og ég keypti miða fyrir streymi, hvað geri ég nú?

Þú getur annað hvort smellt á Sækja miða strax að kaupferli loknu eða sótt kóðann í kvittuninni sem þú færð senda frá [email protected]

Kóðinn þinn er í miðanum (PDF skjal)

Sækja miða úr kvittun í tölvupósti:

Þú þarft að smella á Sækja miða neðst í póstinum.

Næst þarftu að smella aftur á Sækja miða.

Til að virkja kóðann fyrir streymi:

Get ég horft á tónleikana í snjallsímanum mínum eða spjaldtölvu?

Þú getur horft á streymið í vafra í snjallsíma eða spjaldtölvu, ef þú ert með kóða frá Símanum geturðu notað appið þeirra.

Get ég notað Sjónvarp Símans appið?

Já, þú getur gert það.

Ég keypti miða á streymi. Get ég notað Chromecast eða Airplay?

Já, það birtist lítill “Cast” hnappur neðst í spilaranum sem þú smellir á til að senda strauminn í sjónvarpið þitt. Skoðaðu leiðbeiningarnar sem fylgdu þínu tæki. Ef hnappurinn birtist ekki þarf kannski að skoða hvort tækið sé rétt tengt.

Hér eru nokkrir hlekkir fyrir vinsæl tæki:

Chromecast

Airplay (Apple TV og iOS)

Ef þú ert með Apple TV og Android síma geturðu prófað app á borð við AllCast.

Verða tónleikarnir aðgengilegir í tímaflakki Sjónvarpi Símans?

Já, þeir verða aðgengilegir í 48 klst eftir að tónleikum lýkur 16. apríl. Eftir það verður ekki hægt að horfa á tónleikana, nema með því að kaupa þá aftur í gegn um VOD leiguna í myndlyklinum, á fullu verði.

Ég keypti kóða fyrir Sjónvarp Símans. Get ég horft á tónleikana í snjallsímanum mínum eða spjaldtölvu?

Þú getur horft á tónleikana í Síma appinu.

Eru einhver fyrirtækjatilboð í boði?

Já, sendu okkur skilaboð og taktu fram hver áætlaður fjöldi er: [email protected]

Get ég keypt miða sem gjöf?

Ekkert mál. Þú kaupir einfaldlega  miða á Tix.is og sendir heppnu manneskjunni kóðann, passaðu að velja þá leið til að horfa (streymi eða myndlyklar Símans) sem hentar þeirri manneskju, það er ekki hægt að breyta eftir á. Streymiskóðar virka í hvaða nettengda tæki sem er, en Síma-kóðar virka eingöngu í myndlyklum Símans. Hver kóði gildir bara í einu kerfi.

Klukkan hvað byrja tónleikarnir?

Þeir hefjast 16. apríl kl. 20.

Get ég keypt miða á tónleikana sjálfa?

Nei, það er ekki hægt. 

Hvar fara tónleikarnir fram?

Tónleikarnir fara fram heima í stofunni hjá þér.

Get ég spólað til baka eða pásað útsendinguna í Sjónvarpi Símans?

Já, tónleikarnir verða aðgengilegir á tímaflakki um leið og þeir byrja og þar er hægt að spóla og pása að vild.

Get ég spólað til baka eða pásað útsendinguna í gegn um streymi?

Nei það er ekki hægt.

Ef ég kaupi miða get ég horft á sýninguna seinna / þegar mér hentar? Get ég horft á tónleikana oftar en einu sinni?

Tónleikarnir verða aðgengilegir í gegnum streymi frá kl. 12 daginn eftir tónleika í 48 klst. Þeir verða einnig aðgengilegir í gegnum tímaflakk Símans í 48 klst strax eftir tónleika.

 

Hvar get ég fengið tæknilega aðstoð sem varðar myndlykil Símans?

Þú getur haft samband við þjónustuver Símans hér.

Ég virkjaði kóðann í streymi en ég er búin að breyta um skoðun og núna vil ég horfa á tónleikana í annari tölvu, hvernig geri ég það?

Þú þarft að fara í tölvuna sem þú virkjaðir kóðann í, fara á www.senalive.is/bo-streymi og smella á hnappinn í neðra hægra horni á síðunni og velja “Terminate session”. Nú er kóðinn laus og þú getur notað hann í öðru tæki.

Ég virkjaði kóðann í einum myndlykli Símans en ég er búin að breyta um skoðun og núna vil ég horfa á tónleikana í öðrum myndlykli Símans, hvernig geri ég það?

Þú getur ekki fært kóða á milli notenda eftir hann hefur verið virkjaður í myndlykli Símans, en þú getur farið með þinn myndlykil á annan stað (t.d. upp í bústað), tengt hann við sjónvarpið og notað hann þar. Kóðinn virkar bæði á aðallykil og aukalykla hvers notanda.

Ég keypti kóða fyrir streymi. Get ég horft á tónleikana í snjallsímanum mínum eða spjaldtölvu?

Já, þú getur horft á sýninguna í næstum hvaða vafra sem er í hvaða nettengda tæki sem er. Við mælum með Safari, Firefox, eða Chrome, vafrar í snjallsjónvörpum eru mjög misjafnir og við mælum frekar með að þú speglir t.d. síma eða tölvu í sjónvarp frekar en að nota vafra í snjallsjónvarpi.

Ég er ekki með myndlykil og keypti miða í gegnum Tix. Hvernig horfi ég á tónleika í sjónvarpinu mínu?

Þú gerð á www.senalive.is/bo-streymi og slærð inn kóðann. Þú getur annað hvort tengt tölvuna við sjónvarpið í gegn um HDMI tengi, eða notað tæki á borð við Chromecast og Airplay. Skoðaðu leiðbeiningarnar sem fylgdu þínu tæki.

Ég keypti kóða fyrir einn miðil en núna vil ég nota annan, virka allir kóðar á báða staði, þe. streymi og myndlykil Símans?

Nei, ef þú kaupir kóða fyrir einn miðil gildir hann bara fyrir þann miðil. Þú þarft að kaupa nýjan kóða ef þú vilt horfa á annan máta.

Ég bý erlendis, get ég horft á tónleikana?

Já, þú getur keypt miða að vefstreymi gegnum Tix hvaðan sem er í heiminum og horft á tónleikana í gegnum vafra. Þú þarft ekki VPN, og VPN getur jafnvel valdið því að streymið virki ekki.

Hvar get ég keypt miða?

Þú ferð á tix.is/bo og velur hvort þú viljir horfa á tónleikana á netinu, eða í gegnum myndlykil.

Ef þú kýst að horfa á tónleikana í gegn um myndlykil geturðu einungis horft á tónleikana í myndlykli Símans. Þú einfaldlega velur þann möguleika sem hentar þér í kaupferlinu á Tix.