skip to content

Aðgengi

Laufey í Kórnum 14. og 15. mars 2026

Spurt & Svarað
Click here for english

dagskrá

Dagskrá:
17:30 – Sætaferðir hefjast frá Smáralind
18:00 – Húsið opnar
20:00 – Elín Hall
20:30 – Hlé
21:00 – LAUFEY
22:45 – Áætlaður endir*
*Dagskrá er birt með fyrirvara og getur riðlast.

götulokanir

Þar sem Kórinn er staðsettur í miðju íbúðahverfi verða götulokanir á svæðinu frá kl. 15:30 – 00:00 báða daga, helgina 14. og 15. mars. 

mynd: götulokanir

LEIÐIN AÐ KÓRNUM

 

Allir gestir fara í strætó frá Smáralind

  • Lokað verður fyrir alla umferð að Kórnum og beinum við gestum í sérstakar sætaferðir Strætó frá Smáralind. 
  • Strætó stoppar við Kórinn og því eina leiðin til að komast keyrandi að húsinu.
  • Sætaferðir hefjast kl. 17:30 frá norðurenda Smáralindar (við Fífuhvammsveg) og ganga fram og tilbaka þar til allir gestir hafa komist til baka úr Kórnum. 
  • Stöðin verður vel merkt og starfsfólk á staðnum mun sjá til þess að allt gangi vel fyrir sig, sjá nánar á mynd hér fyrir neðan.
  • Strætóferðir eru gjaldfrjálsar fyrir þau sem eiga miða á tónleikana.
  • Mætið tímanlega, hver ferð getur tekið upp undir 30 mínútur og þau sem koma eftir kl. 19:30 eru ekki tryggð að ná inn í Kórinn áður en tónleikar hefjast kl. 20:00.

mynd: hér ferðu í strætó

Leigubílar

  • Leigubílar hafa sérstakt leyfi til þess að keyra inn í hverfið og að sérstakri stoppustöð sem verður í um 200 m fjarlægð frá húsinu. (Sjá staðsetningu á yfirlitsmynd efst á síðunni.)
  • Athugið að það er takmarkað magn leigubíla á höfuðborgarsvæðinu og ekki er mælt með því að treysta um of á slíkar ferðir og þá sérstaklega að tónleikum loknum. Við hvetjum þau sem velja þessa leið að mæta snemma.

 

Skutla og sækja inn á svæðið er ekki leyfilegt

  • Ekki verður hægt að koma á einkabíl að Kórnum og engin bílastæði innan götulokana.
  • Við bendum á að stæði við fjölbýlishús í nágrenninu eru einkastæði.
  • Gestir þurfa að nýta sætaferðir frá Smáralind, þar sem nóg er af bílastæðum.

 

P merki og aðkoma 

  • Bílastæði fyrir hreyfihamlaða verða við Kórinn og eru eingöngu aðgengileg handhöfum P-merkis sem eiga miða á tónleikana. (Sjá staðsetningu á yfirlitsmynd efst á síðunni.)
  • Aðgengi að stæðunum verða í gegnum Þingmannaleið, niður Heimsenda og þaðan inn á bílastæðið við Kórinn.
  • Athugið að hér er um takmarkað magn stæða að ræða og hvetjum við fólk sem hyggst nýta sér þau að mæta tímanlega. Við getum ekki tryggt að stæði verði laus fyrir alla bíla með P-merki. 
  • Þau sem nýta akstursþjónustu fatlaðra komast að húsinu á sama hátt og aðrir sem hafa P-merki.
  • Bílar með P-merki fá aðgang að svæðinu til að skutla og sækja að P-merktu svæði, sjá staðsetningu á korti. 
  • Athugið að bílar með P-merki fá eingöngu aðgang að svæðinu ef handhafi P-merkis á miða á tónleikana. Sýna þarf tónleikamiða til að fá aðgang.

Miðaskönnun, inNgangar og hólf

Vinsamlega hafið tónleikamiða tilbúinn til innskönnunar þegar komið er að húsinu, það flýtir fyrir innhleypingu og minnkar líkur á töfum. Miðar voru sendir í tölvupósti eftir miðakaup og koma frá Tix miðasölu ([email protected])

  • Athugið að ekki er nóg að sýna tölvupóst, sækja þarf PDF miða með strikamerki og upplýsingum um hólf, bekk og sæti.
  • Á tónleikamiða kemur fram í hvaða hólfi miðinn þinn er.
  • Tveir inngangar eru fyrir utan kórinn. Vinsamlega notið þann inngang sem tilheyrir hólfinu á tónleikamiðanum.
  • Gólf – Hólf A-B-C.
  • Stúka – Hólf D.
  • Þegar inn er komið skal finna rétt hólf.
  • Hólfið kemur skýrt fram á tónleikamiða og einnig verða góðar merkingar á staðnum sem vísa veginn. Þegar hólfið er fundið finnur þú bekk og sæti.
 

Gestir í hjólastólum og þeir sem eiga erfitt með gang.

  • Hjólastólasvæði er hjá D hólfum og því farið inn um inngang merktur “Stúka”.
  • Þau sem eiga sæti á gólfi en eiga erfitt með gang geta nýtt sér inngang sem tilheyrir stúku og farið þar í lyftu niður á gólf. 
 
Þú getur sparað þér tíma með því að kynna þér staðsetningar áður en mætt er á tónleikana. 

mynd: miðarnir og hólfin

skipulag í kórnum

  • Hér má sjá skipulag inn í og við Kórinn. Húsið er á tveimur hæðum; gólf er á neðri hæð og stúka á efri hæð. Sérinngangur er fyrir stúku og sérinngangur er fyrir gólf.
  • Við hvetjum gesti til að skoða eftirfarandi myndir og kynna sér fyrirfram hvar skal ganga inn og hvar alla þjónustu er að finna á hvorri hæð.
  • Ætlast er til að gestir haldi sig á sínu svæði alla tónleikana.
  • Gott er að vita fyrirfram hvar hólfið sitt er; þú finnur sætið þitt þegar þú ert kominn í rétt hólf.
  • Að sjálfsögðu verður allt á staðnum vel merkt og nóg af starfsfólki til aðstoðar.

Myndir:
efri hæð – STÚKA
neðri hæð – GÓLF