Shygirl er breskur rappari, DJ, söngkona og lagahöfundur. Hún er auk þess meðstofnandi NUXXE útgáfu og listahóps. Tónlist hennar er kraftmikil blanda af tilraunakenndri klúbbatónlist, hip-hopi, house og raftónlist. Hún fer óhrædd yfir mörk og mótar sinn eigin hljóðheim. Shygirl hefur unnið með listamönnum á borð við Charli XCX (Iceland Airwaves alumni), SOPHIE, FKA twigs, Arca og okkar eigin Björk.

Hún vakti fyrst athygli með fyrstu útgáfum sínum og EP-plötunni Cruel Practice (2018), og fylgdi því eftir með Alias (2020) þar sem hún kynnti til sögunnar sinn sérstaka, sjónræna stíl sem byggir á alter-ego persónum. Með fyrstu breiðskífunni Nymph (2022) færði hún sig enn frekar inn í dans- og klúbbsenuna og á EP-plötunni Club Shy (2024) dýpkar hún þá nálgun enn frekar sem upphaf á nýjum kafla í listrænni þróun sinni.

Undanfarin ár hefur Shygirl styrkt stöðu sína á alþjóðavettvangi. Hún hefur verið í samstarfi með og hitað upp fyrir Charli XCX og Troye Sivan á tónleikaferðum. Hún er ein af þeim röddum sem eru að móta framtíð klúbb- og popptónlistar. Er  beinskeytt og óhrædd við að gera tilraunir í tónlistinni algjörlega á eigin forsendum.