Bílastæði

Miðahöfum á Backstreet Boys býðst að tryggja sér bílastæði í takmörkuðu magni nálægt Laugardalshöll. Í boði eru sjö svæði í þremur verðflokkum. 

Hvernig virkar ferlið
Þú kaupir miða fyrir þinn bíl á Tix með því að smella á kaup hnappana hér að neðan. Þú velur bílastæði og verð flokk sem hentar þér og færð miða sendan í tölvupósti, ásamt kvittun með leiðbeiningum. Þegar þú kemur að bílastæðinu þá er miðinn skannaður inn. Athugaðu að þú kemst ekki að stæðinu nema hafa miðann þinn tilbúinn til skönnunar. Engar hömlur eru á fjölda gesta í hvern bíl.

Öll stæðin opna kl.18:00. Húsið opnar kl.18:30 og tónleikar hefjast kl. 20:00 þegar Vök stíga á svið. Backstreet Boys stíga svo á svið kl. 21:00. Við hvetjum gesti til að mæta snemma.

Nánari upplýsingar um bílastæðin er að finna hér að neðan.

VINSAMLEGAST ATHUGIÐ

• Ekki er tekin ábyrgð á bifreiðum; aðeins er vakt við innkeyrslu á hverju bílastæði, til að skanna miða, og henni lýkur um 21.30. Bílar á stæðunum er ekki vaktaðir sérstaklega.

• Tónleikahaldari hefur enga stjórn á umferðinni og miði í bílastæði gefur því engan forgang í umferðinni. Búast má við því að umferð í kringum Höllina verði þung á tónleikadegi og það er ábyrgð gesta að koma sér að stæðunum í tæka tíð.

HREYFIHAMLAÐIR

• Ekki er selt í stæði fyrir hreyfihamlaða.

• Sérstaklega merkt stæði fyrir hreyfihamlaða eru í bílastæðum A, D og E.

• Þeir sem eru með blátt P merki er hleypt í þessi stæði, á meðan pláss leyfir.

• Þegar öll stæði fyrir hreyfihamlaða eru full er ekki hægt að hleypa fleirum inn í þau.

• Ferðaþjónusta fatlaðra hefur aðgang að A-bílastæði. Þar er þeim heimilt að hleypa út fólki.