Laufey endar A Matter of Time Evróputúrinn á Íslandi og efnir til stórtónleika í Kórnum, laugardaginn 14. mars.
Laufey hefur heillað heilar kynslóðir með afar vandaðri tónlist sem fjallar um ást og sjálfsuppgötvun þar sem hún sameinar popp, djass og klassíska tónlist á einstakan hátt. Árið 2023 afrekaði hún það að verða yngsti listamaður allra tíma til að hljóta GRAMMY verðlaun í flokknum Best Traditional Pop Vocal Album fyrir plötuna Bewitched. Nú upplifir hún meira frelsi en nokkru sinni fyrr, sem tónskáld, söngkona, útsetjari og fjölhæfur hljóðfæraleikari sem gerir henni kleift að blómstra sem aldrei fyrr og “leyfa hjartanu að ráfa,” eins og hún orðar það sjálf.
Hennar þriðja plata, A Matter of Time, er nýkomin út og var gerði í samvinnu við útsetjarana Spencer Stewart og Aaron Dessner. Þar fer Laufey út fyrir þægindarammann og skapar seiðandi hljóðheim og hreinskilnar lagasmíðar sem hitta beint hjartastað. Platan markar hápunktinn á ótrúlegu ferðalagi sem hófst þegar hún spilaði á selló með Sinfóníuhljómsveit Íslands á unglingsaldri og samdi sitt fyrsta útgefna lag á meðan hún stundaði nám við Berklee College of Music.
Ferill Laufeyjar hefur verið stórbrotinn og afrek hennar hafa hrannast upp; má þar nefna yfir 4,25 milljarða spilanir á streymisveitum, 23 milljónir fylgjenda á samfélagsmiðlum, stærstu útgáfu á djassplötu í sögu Spotify, plata á Billboard Top 20, fjöldinn allur af platínusölum, sæti á Forbes 30 Under 30 listanum og árið 2025 var hún útnefnd ein af Konum ársins (Women of the Year) af tímaritinu TIME.
Laufey hefur selt upp á tónleika í stórum tónleikahöllum á borð við Hollywood Bowl, Radio City Music Hall og Royal Albert Hall í London. Auk þess hefur hún hefur komið fram með LA Phil, National Symphony Orchestra og China Philharmonic Orchestra, deilt sviði með listamönnum á borð við Jon Batiste og Raye og tekið upp með tónlistarfólki á borð við Beabadoobee og Norah Jones.
SÆTAFERÐIR
Sætaferðir verða fyrir tónleikagesti frá Smáralind að Kórnum og til baka á tónleikadegi. Ráðgert er að sætaferðir hefjst kl. 18:00, húsið opnar kl 18:30 og tónleikar hefjst kl. 20:00.
GOTT MÁLEFNI
Laufey mun gefa 150 kr. af hverjum seldum miða á þessa tónleika, til The Laufey Foundation, til að styðja ungmennahljómsveitir, félagasamtök og verkefni á sviði tónlistarfræðslu. Til að fræðast nánar um The Laufey Foundation eða styðja við starfið, vinsamlegast heimsækið The Laufey Foundation.
