27. ágúst 2022
Ásgeir Trausti
í Eldborg
27. ágúst 2022
Ásgeir Trausti
í Eldborg

Ásgeir heldur upp á tíu ára afmæli plötunnar Dýrð í dauðaþögn með stórtónleikum í Eldborg 27. ágúst. 

Ásgeir stígur á svið með stórhljómsveit og strengjum og verður platan flutt í heild sinni í bland við frumflutning á glænýju efni. 

Tíu ár eru liðin síðan Ásgeir Trausti gaf út sín fyrstu lög á vormánuðum 2012 og varð fljótt vinsælasti tónlistarmaður landsins. Platan hans Dýrð í dauðaþögn kom út sama ár og sló öll íslensk sölumet.

Platan hefur selst í yfir 40.000 eintökum og setið samtals 400 vikur á Tónlistanum sem er yfirlit yfir mest seldu plötur landsins. Þannig hefur þessi frumraun Ásgeirs, sem var tvítugur þegar platan kom út, skipað sér sess með ekki ómerkari plötum en Gling Gló og barnaplötunum sígildu Kardemommubærinn, Dýrin í Hálsaskógi og Einu sinni var sem ein af 5 mest seldu plötu Íslandssögunnar. 

Vestfirska nýstirnið Árný Margrét hitar upp.

Dagsetning

27. ágúst 2022

Staður

Eldborg

Miðaverð

Úrvalssæti: 14.990 kr.
Verðsvæði 2: 12.990 kr.
Verðsvæði 3: 11.990 kr.
Verðsvæði 4: 9.990 kr.
Verðsvæði 5: 7.990 kr.

Hlekkir

Þú gætir haft áhuga á..