Brekkusöngur er fyrir löngu orðinn fastur liður í hátíðarhöldum Íslendinga um verslunarmannahelgina. Það gleður okkur að geta staðfest að fyrirhuguð dagskrá kvöldsins fer að fullu leyti fram þrátt fyrir ástandið í þjóðfélaginu.

Það verður farið alla leið til þess að skapa hina einu sönnu Þjóðhátíðarstemmningu út í Eyjum fyrir Íslendinga hvar sem þeir eru í heiminum.

Dagskrá kvöldsins:

20:30 – Útsending hefst
21:00 – Albatross og gestir
23:00 – Brekkusöngur

Magnús Kjartan Eyjólfsson, forsöngvari og gítarleikari Stuðlabandsins mun stýra brekkusöngnum þetta árið, í beinu streymi og allir geta tekið þátt hvar sem þeir eru í heiminum. Magnús hefur um árabil verið einstaklega eftirsóttur trúbador samhliða því að spila með hljómsveit sinni vítt og breitt um landið við hin ýmsu tilefni og meðal annars komið fram á Þjóðhátíð óslitið síðan 2016.

Ásamt Albatross koma fram:

• Guðrún Árny
• Jóhanna Guðrún
• Sverrir Bergmann
• Pálmi Gunnars
• Ragga Gísla
• Klara

Sérstakur gestur: Hreimur

Ljóst er að hér er um að ræða einstaka tónlistarveislu og Íslendingar geta sameinast, hvar sem þeir eru í heiminum og gert sér glaðan dag. Aðeins þarf að kaupa einn miða fyrir hvert heimili.

Öll miðasala fer fram á Tix.is og er hægt að velja á milli þriggja leiða; netstreymis í gegnum spilara frá Vimeo eða myndklykla Símans eða Vodafone. Kaupandi velur rétta miðatýpu og fær kóða sem virkar í eitt af þremur kerfunum. Auðvelt er að virkja aðganginn strax og þá er allt klappað og klárt. Einnig er hægt að kaupa strax með fjarstýringunni í myndlyklum Vodafone og Símans.

Brekksöngur í streymi er í boði Pepsi Max, Red Bull, Tuborg Léttöl og Luxor.