Nýr kafli hefst hjá Jólagestum. Í fyrra kvöddum við “Jólagesti Björgvins” en nú höldum við áfram undir nafninu “Jólagestir”. Upphafsmaðurinn Björgvin er áfram með okkur, en í nýju hlutverki, sem heiðursgestur.
Landslið íslenskrar tónlistar sameinast með alþjóðlegum stjörnum í mögnuðustu tónlistarveislu ársins 21. desember í Höllinni.
SÖNGVARAR ÁRSINS
– Sissel
– Eivör
– Högni
– Svala
– Gissur Páll
SÉRSTAKIR GESTIR
Remember Monday komu, sáu og sigruðu í Eurovision með mögnuðum samhljómi og kraftmikilli sviðsframkomu. Þrjár stórkostlegar raddir frá Bretlandi sem blómstra saman – nú koma þær til Íslands í fyrsta sinn með sína einstöku útgáfu af jólagleði.
Esther Abrami hefur slegið í gegn sem ein ferskasta og áhugaverðasta rödd klassískrar tónlistar í dag. Með milljónir áhorfa á samfélagsmiðlum og tónlist sem sameinar fagurfræði og tilfinningar dregur hún nýja kynslóð að fiðlutónlist. Á Jólagestum 2025 kemur hún fram í fyrsta sinn á Íslandi – með bæði töfra og tækni í farteskinu.
KYNNIR KVÖLDSINS
Jóhannes Haukur Jóhannesson tekur sér frí frá Hollywood til að geta slegið inn jólin með okkur.
HEIÐURSGESTUR
Björgvin Halldórsson – hinn eini sanni, heiðrar okkur með nærveru sinni.
Með þeim á sviðinu verða stórsveit, strengjasveit, gospelkór, barnakór og karlakór – saman ætlar þessi ótrúlegi hópur listamanna að skapa tónaflóð er hreyfir við hjörtum og kemur gestum í hið eina sanna jólaskap í lok aðventu. Þú vilt ekki missa af þessu.
Sjáumst í Höllinni!
